Gjyqi që nisi më 11 prill ka marrë vëmendjen e gjithë botës prej javësh të tëra. Në një periudhë kur trupi gjykues dhe vetë aktorët e avokatët kanë marrë një pushim disa ditor, mediat po analizojnë mënyrën si publiku e ka pritur këtë histori. Mjafton të kesh një profil në një nga rrjetet sociale më të njohur të momentit për të kuptuar se e gjithë bota është duke mbështetur Johnny Depp. Me hashtags #freejohnny dhe #justiceforjohnnydepp, fansat kanë mbledhur video të gjyqit nga dy deklaratat e aktorëve dhe avokatëve të tyre, duke analizuar detaje për sjelljet e tyre. Shumë kërkojnë që Johnny të fitojnë gjyqin dhe më në fund të pranohet e vërteta. Por me mbështetjen ndaj aktorit të njohur, po vijnë edhe shumë kërcënime dhe sharje ndaj Amber Heard, të cilën po e quajnë mashtruese, njeri të ligë dhe person pa vlera njerëzore. Njerëzit janë të bindur se ajo po gënjen dhe urrejtjen nuk ngurojnë ta tregojnë, por vendimi përfundimtar pritet të jepet në ditët në vazhdim.
Kujtojmë se padia e ngritur nga Depp është për 50 milionë dollarë, si dëmshpërblim për humbjet e tij veçanërisht profesionale që nga koha kur u publikua një artikull i Amber Heard ku ajo pranon (pa përmendur emra) se ishte dhunuar./revistawho.com
