Pak javë më parë reperi shqiptar Don Xhoni dhe modelja ruse Ariana Lirey deklaruan ndarjen përmes disa statuseve në Instagram. Por ndonëse Ariana nuk është më me reperin, Shqipërinë s’e lë dot sepse së fundmi shumica e pyetjeve në Instagramin e saj ishin nga shqiptarë. Modelja tregoi se në të ardhmen e afërt po planifikon të vizitojë Shqipërinë dhe Kosovën. Ajo u ndal t’i përgjigjej edhe pyetjeve rreth Don Xhonit.
“Ai është Xhonatani jo Doni. Nuk mund të them asgjë të keqe për një mashkull me të cilin kam qenë në lidhje gati një vit. Ai është djalë i mirë, ai është artist. Është ende i ri dhe ka të gjithë jetën përpara. Do të gëzohem nëse do të ketë gjithçka në mënyrën që ka dashur. Rrugët tona u ndanë muaj më parë, dua të vazhdoj jetën. Nuk kemi pse të jemi të lidhur më”, tha Ariana.
