David e Victoria Beckham festojnë sot 23-vjetorin e martesës. Ylli i “Spice girls” e ka uruar bashkëshortin me një sërë fjalësh të bukura, teksa mes tyre e quan atë gjithçkanë e saj.
“Thonë se ai nuk është argëtues, thonë se unë kurrë nuk buzëqesh, ata thanë se nuk do të zgjasë. Sot festojmë 23 vjet që jemi martuar. David ti je gjithçka për mua, të dua shumë”, ka shkruar ajo në Instagram.
David dhe Victoria janë prindër të katër fëmijëve, Brooklyn, Romeo, Cruz dhe Harper. Çifiti ka pasur ulje-ngritje që prej vitit 1997, kur u takuan për herë të parë, por mbeten si një nga çiftet më jetëgjatë të Hollywood-it.
Kujtojmë se djali i madh i tyre, Brooklyn, u martua më 9 prill të këtij viti me partneren e tij Nicola Peltz. Dasma kushtoi 4 milionë dollarë. Dy të rinjtë, Nicola 27 vjeçe dhe Brooklyn 22 u njohën 4 vite më parë, teksa këtë vit e kurorëzuan dashurinë e tyre në martesë.
