Reperi amerikan Big Sean dhe këngëtarja Jhené Aiko do të bëhen prindër. Ishte vetë Aiko që konfirmoi shtatzëninë e saj të dielën në një postim në Instagram. TMZ raportoi se këngëtarja dhe partneri i saj ishin në pritje të fëmijës së tyre të parë së bashku, duke shpërndarë një foto të çiftit teksa shëtisnin nëpër Beverly Hills. Nuk dihet ende sa muajshe shtatzënë është Aiko dhe as gjinia e fëmijës. “Çifti janë shumë të lumtur dhe mezi presin këtë kapitull tjetër”, tha një zëdhënës për TMZ. Aiko dhe Big Sean, të dy 34 vjeç, kanë qenë në lidhje që nga viti 2016. Aiko ka dhe një vajzë 13-vjeçare, Namiko Love, nga lidhja me këngëtarin O’Ryan.
