Rita Ora ka shkëlqyer me pamjen e saj në shfaqjen gala të sipërmarrjes më të fundit regjisoriale të partnerit të saj Taika Waititi, “Thor: Love and Thunder”. Ora, 31 vjeçe, mahniti të gjithë teksa kalonte në tapetin e kuq me një fustan me temina, me dekolte, të çarë deri në kofshë dhe të gjatë deri në fund të këmbëve. Ndërkohë, Waititi, 46 vjeç, kishte veshur një kostum blu dhe papijon të zi. Të dy u mbajtën për dore, përshëndetën fansat dhe buzëqeshën për kamerat në tapetin e kuq. Waititi dhe Ora ndezën për herë të parë thashethemet për romancë në prill 2021, kur këngëtarja shpërndau një foto të saj duke përqafuar regjisorin. Çifti bëri debutimin e tyre në tapetin e kuq në gusht 2021 në premierën e Suicide Squad. Thuhet se së shpejti çifti do kurorëzojë dashurinë në martesë.
