Dj Dagz ishte i ftuar në një intervistë për “Prive” dhe për herë të parë ka folur për thashethemet se Einxhel është shtatzënë. Gjatë intervistës, Dagz nuk i shpëtoi dot kësaj pyetje edhe pse ai njihet për tipin e rezervuar. Dagz u shpreh se ai dhe Einxhel nuk janë kundër së qenurit prindër, por për momentin nuk e kanë nisur.
“Ka qenë Trixa dhe Monika live dhe unë me Einxhelin hymë për t’i ngacmuar pak. Në ato momente Trixa dhe Monika na thanë ‘hajde meqë jeni me pushime nisni një bebe’. Ok nuk është ide e keqe i shkruajta unë dhe pastaj u bë e madhe kur Trixa postoi atë statusin. Ne po bënim shaka dhe nuk e dinim që do transformohej kështu. Edhe Trixa na shkruajti nëse mund ta rregullonte meqë u bë shumë e madhe, por i thamë lëre se sidoqoftë nuk jemi kundër asaj pune, por kur të vijë, le të vijë”, tha Dagz.
I pyetur për urimin e Einxhelit, e cila shkroi “Ne të duam”, Dagz u përgjigj: “Edhe ky ka qenë nga ato muhabetet që ne nuk e mendonim që do bëhej e madhe, kështu që ça të them…”
