Pavarësisht se shpeshherë bëhet thirrje kundra bullizmit dhe komenteve negative që kritikojnë peshën apo dukjen e një personi tjetër, duket se shumë komentues nuk zënë mend. Rasti i fundit i ka ndodhur Elhaida Danit. Këngëtarja ndodhet në Tiranë dhe ka pozuar në një bar, e veshur me një fustan blu dhe si gjithmonë duket elegante e plot sharm. Mirëpo ndjekësit kanë nisur me kritika që i kanë rënë në sy Elhaidës.
“Goce fillo të hash ndonjë berxollë se je bërë kockë e lekurë e mrapa një gotë verë”, i shkruan një komentues.“Ti je super artiste por sinqerisht shto ca kile se do dukesh më mirë”, i shkruan një tjetër.
Komentet kanë marrë një reagim nga Elhaida, e cila është përgjigjur me shumë finesë pa lënduar askënd dhe shprehet se nuk ia merrte mendja që do merrte kaq shumë gjykime.
“E para : unë thjesht hodha në trup një veshje që e kam blerë dhe doja ta vishja para se të ikte vera… kujt ja mori mendja gjithë këto gjykime…. E dyta : unë njeri jam , do ndodhi që të marr ca kile e do ndodhi që t’i humbas. Derisa të kem shëndetin kilet le të shkojnë e të vijnë… Të dielë të mbarë”, është shprehur Elhaida.
