Këngëtarja shqiptare me famë botërore Rita Ora është tashmë pjesë e thesarit të pullave postare të Filatelisë së Postës së Kosovës. Pulla me imazhin e saj do të lëshohet në qarkullim postar të shtunën, më 26 nëntor, datë që përkon me ditëlindjen e saj.
Kryeshefja Ekzekutive e Postës së Kosovës, Fakete Kadiu, ka shprehur mirënjohjen për artisten: “Është një nder për Posten e Kosovës të nderoj Rita Orën. Ajo na ka dhuruar aq shumë momente të bukura dhe krenari të pafund me këngë, performancë dhe koncerte madhështore.
Kjo pullë e bukur le të jetë edhe si dhuratë simbolike e Kosovës për këngëtaren tonë, në këtë ditë të veçantë për të, për kontribut të jashtëzakonshëm për vendin dhe kombin tonë”, tha Kadiu. Kujtojmë se më parë, pulla postare është rijetësuar me imazhin e Dua Lipës
