“Besimtar ose jo, kërkush s’ka qenë atje nalt e me u kthy me na tregu që PO, ka jetë mbas vdekjes. Kështu që shumë thjesht “shijo qito që e ki”. Largo energjinë negative që e ke rreth teje. Po të bon nervoz dikush? Rroftë blloku në Facebook edhe mundësia mos me i fol më, a duhet me të humb shëndeti që me kuptu sa e rëndësishme është koha jote a?! Kupto vleftën e jetës, provo ushqime të ndryshme, udhëto nëpër botë, gjeje një hobi, pi shumë UJE, shko në fitness. Edhe kurrë mos harro, FAMILJA MBI TE GJITHA!!! Sa merresh me pamjen fizike e për me dalë sa më mirë në foto, merru me pastërtinë e shpirtit se fytyrës i dalin rrudhat e zemra nuk plaket kurrë. S’ke nevojë me ofendu kërrkënd, se mbaje mend, karma është e poshtër! Shumë thjesht! Nëse trupi është i shëndetshëm, edhe ti ke me qenë i lumtun! Mundohu me lon shenjën tënde në këtë botë, para se më të përfundu koha! Pfff pse po vyn një njeri, 17-vjeçare me jau thonë këto sene?!”. Këto fjali prekëse e shumë domethënëse janë të Rebeka Rexhepit, një 17-vjeçare nga Kosova e cila pak kohë më parë u nda nga jeta për shkak të një tumori, të cilin nuk arriti ta mposhtte dot. Postimi i saj që u bë pak para vdekjes, është bërë sot frymëzim për këngëtaren Beatrix Ramosaj e cila e ka shpërndarë në llogarinë e saj të Instagram duke shënuar: “Le të jenë fjalët e tua një frymëzim përgjithmonë. Le të pushojë shpirti yt i bukur në parajsë”.
