Miley Cyrus jo vetëm që prezantoi këngën e saj të fundit, por i ka dhënë komentuesve shumë për të folur këtë fundjavë. Këngëtarja njoftoi pak javë më parë publikimin e albumit të saj të ri, “Endless Summer Vacation”, të planifikuar për në 10 mars dhe publikoi këngën Flowers. Në videoklipin e këngës së re shihet Miley duke bërë dush, krejtësisht e zhveshur dhe dëgjohet duke përsëritur shprehjen “Unë mund ta dua veten më mirë”. Ndërsa kënga mund të jetë një odë e mundshme për dashurinë ndaj vetvetes, ajo që befason janë shigjetat që këngëtarja hesh ndaj ish-bashkëshortit të saj, aktorit Liam Hemsworth. Në këtë këngë të re, këngëtarja në mënyrë efektive këndon për dashurinë për veten dhe rëndësinë e mirëqenies personale. Teksti shoqërohet me një video që tregon këngëtaren, e cila sapo është përballur me një ndarje të supozuar dhe që kupton një të vërtetë të madhe: ajo mund të jetojë dhe të lulëzojë vetë. Cyrus shfrytëzon rastin për të bërë të qartë faktin e lartpërmendur me një varg shumë kuptimplotë: “Mund t’i blej vetes lule/Të shkruaj emrin tim në rërë/Flas me vete për orë të tëra/Gjëra që ti nuk i kupton/Mund të kërcej vetëm/Mund të mbaj dorën time/Po, mund ta dua veten më mirë se ti”.
Vargu merr domethënie më të madhe për shkak të dy detajeve të vogla: kënga është një përgjigje e drejtpërdrejtë e këngës “Ëhen I Ëas Your Man” nga Bruno Mars, një këngë që Liam Hemsworth ia kushtoi gruas së tij të atëhershme. Dhe për më tepër Miley e publikoi këngën në ditëlindjen e aktorit.
Të njëjtën gjë bëri dhe Shakira së fundmi me këngën e re, ku qartë i drejtohej ish-it Gerard Pique (Lexo këtu).
