Vajza e Barack Obamës “braktis” shkollën, ja çfarë do bëjë pas gjimnazit

Do të ndjekë gjurmët e prindërve. Malia, vajza e madhe 17-vjeçare e Presidentit të Shteteve të Bashkuara të Amerikës, do të ndjekë studimet në Harvard, siç në të shkuarën kanë bërë prindërit e saj: Barack e Michelle Obama. Shtëpia e Bardhë ka njoftuar se në vjeshtën e vitit 2017-të ajo do të nisë të frekuentojë universitetin prestigjioz. Por përpara se të bëjë valixhet për në Boston siç parashikon tradita studentore amerikane, miss Obama do të marrë një vit pushim, që me shumë gjasa do ta kalojë me udhëtime nëpër botë. Ndoshta nga janari i ardhshëm bashkë me të atin Barack, gati në përfundim të mandatit të tij. Këtë vit në qershor, pritet ceremonia e diplomimit te saj në gjimnazin privat në Washington, “Sidwell Friends School”.