Erma Mici përjetoi emocione të mëdha në skenën e Festivalit të Këngës, ku mori edhe çmimin si “Debutuesi më i mirë”. Zëri i saj potent është tanimë një prej atyre që premtojnë shumë në skenën shqiptare dhe jo vetëm. Së fundmi ajo ka bërë të ditur se do të vijë me një këngë të re.
Kënga do të titullohet “Heartbreak Hotel” një krijim emocionues, me një tekst të ndjeshëm, që flet për një dashuri të humbur dhe një zemër të thyer. Melodia e saj ngacmon ndjesitë më të thella të shpirtit, por edhe të shpresës së një ringjalljeje. Kënga pritet të bëhet një prej më të dëgjuarave në radio dhe nëpër platformat e streaming. Gjithçka ka qenë bashkëpunim me ekipin e talentuar të BoldCrest. “Heartbreak Hotel” do të publikohet së shpejti dhe natyrisht do të jetë një sukes i padiskutuar.
