Vizita e Gerard Pique në Miami ka qenë një nga ngjarjet më të përfolura të ditëve të fundit. Ish-futbollisti bëri udhëtimin e tij të parë në Shtetet e Bashkuara për të kaluar kohë me djemtë e tij Sasha dhe Milan, të cilët që nga fillimi i prillit jetojnë me nënën e tyre, Shakira.
Orët e fundit kishte qarkulluar një thashethem se ish-futbollisti ishte përplasur me vëllain e këngëtares, Tonino Mebarak. Mirëpo, si nga rrethi i këngëtares ashtu edhe i Piques e kanë mohuar këtë.
Në ‘El programa de AnaRosa’ në Spanjë kanë dhënë disa detaje, pasi kanë folur me Piquen dhe ai ka konfirmuar se “kjo nuk ka ndodhur”, duke e mbyllur çështjen dhe duke demonstruar se koha e Piques me fëmijët e tij ka shkuar normalisht.
Gjërat madje shkuan mirë me Shakirën, pasi kolumbiani i mori fëmijët dhe i solli pa problem. Pavarësisht tensionit mes ish-çiftit, gjithçka ishte normale.
“Marrëdhëniet ishin totalisht normale, fëmijët i mori dhe i solli”, komentuan ata gjatë transmetimit të programit.
Pique nuk do të kthehet për një kohë në Miami. Ai po përgatitet që të presë fëmijët e tij në Spanjë kur ata të mbarojnë mësimet në Miami dhe të kenë pushime.
