Neymar është bërë sërish shënjestër e mediave pasi u kap një natë në Spanjë, i shoqëruar nga dy vajza të ndryshme. Sipas portalit “LeoDias” videot tregojnë Neymarin në momente intime me vajzat gjatë qëndrimit të tij në Barcelonë, në mesin e javës së kaluar. Kjo mori përmasa të mëdha në rrjet, për shkak të marrëdhënies së tij me Bruna Biancardi.
Neymar, i fejuar me Brunën e cila është në pritje të ëmbël, u pa duke u argëtuar sikur të ishte beqar. Ai ishte në klubin e natës Sala Apolo, në qytetin katalanas, në një ditë pushimi nga Al Hilal pas ndeshjes kundër Al-Hiyadh.
Fotot tregojnë Ney-n duke folur me vajzat, duke i përqafuar ato dhe në kontakte të ngushta fizike. Nga ana tjetër, Bruna ishte në Brazil gjatë asaj kohe.
Situata nxiti spekulime për lidhjen e çiftit, sidomos pasi Bruna publikoi një mesazh enigmatik në rrjetet sociale. Në Instagram, ajo bëri një postim për besnikërinë, të cilën përdoruesit e internetit e interpretuan si një thumb të mundshëm ndaj Ney. Influencuesja shkroi: “Nëse nuk je besnik ndaj atyre që janë pranë teje çdo ditë, nuk je besnik ndaj askujt”. Postimi u fshi pak më pas.
Babai i Neymar i ka hedhur edhe më shumë benzinë zjarrit duke deklaruar se djali i tij është beqar. Léo Dias ka folur me babain e lojtarit, i cili i ka thënë: “Ai është beqar. Apo jo?”.
Kjo nuk është hera e parë që braziliani tradhton partneren.
Neymar madje kërkoi falje pasi tradhtia u zbulua në internet dhe u bë një nga temat më të përfolura në rrjet. “Bru, këtë e bëj për ty dhe për familjen tënde. Duke justifikuar të pajustifikueshmen. Nuk kisha nevojë. Por unë kam nevojë për ty në jetën tonë. Pashë sa u ekspozove, sa vuajte nga gjithë kjo dhe sa shumë do të jesh pranë meje. Dhe unë pranë teje. Kam bërë një gabim. Kam gabuar me ty”, shkroi ai asokohe në Instagram.
Por mesa duket, “ujku qimen e ndërron, por zakonin s’e harron”.
