Edona James, një nga banoret më të komentuara të këtij edicioni të “Big Brother VIP Kosova” ka treguar me detaje për ndërrimin e gjinisë, por shumë pak për familjen e saj. Edona prej 23 vitesh nuk e ka takuar babain. Në një intervistë për RTV Dukagjinin, ai ka treguar se nuk e ka parë kur ajo ndërroi gjininë, por do donte ta takonte pas Big Brother.
“Nëna e saj është ndarë prej meje dhe i ka marrë fëmijët me vete, të dy i ka marrë dhe ua ka bërë letrat në Gjermani. Unë kam qenë azilant nuk kam mund të bëj asgjë, më kanë kthyer në Kosovë, e kam vazhduar jetën time, jam martuar dhe kam krijuar familje tjetër, i kam dy djem me gruan tjetër”, ka treguar babai i Edonës duke shtuar: “prej fëmijërisë nuk e kam parë, kur është bërë femër nuk e kam parë, nuk kam parë ende asgjë, prej 2000, tani është 2023, pra 23 vjet”, tha ai.
Babai i Edonës ka shprehur dëshirën që të takohet me të pas daljes nga Big Brother.
“Në Big Brother nuk kam qejf ta takoj, por pas Big Brotherit kam qejf me e taku”, tha ai.
