Një organizator festash, që pretendon se ka punuar për Sean ‘Diddy’ Combs në fillim të viteve 2000, ka zbuluar një listë kërkesash të ashpra për të ftuarat femra në festat e reperit.
Pretendimet erdhën pas arrestimit të Diddy-t në Nju Jork në shtator dhe një padie prej 14 faqesh që përshkruan festa të njohura si ‘Freak Offs’.
Sipas padisë, në këto festa thuhet se viktimave i janë dhënë substanca të kontrolluara për t’i mbajtur “të bindur”. Diddy akuzohet për trafik seksual, shfrytëzim dhe abuzim ndaj vajzave të reja dhe ndodhet në paraburgim në pritje të gjykimit, duke mohuar akuzat.
Organizatori i festave rrëfen se të ftuarat duhet të plotësonin disa kritere të ashpra për t’u pranuar në festat e Diddy-t, si të ishin të reja, të bukura dhe të peshonin më pak se 140 paund.
Femrat duhet të mbanin fustane të shkurtra dhe taka të larta, ndërsa organizatori pretendon se nuk bëheshin pyetje për moshën e tyre, duke lejuar hyrjen pa kontroll.
Nuk lejoheshin xhinset ose pantallonat, as këpucët pa takë. Ndërsa fustanet duhet të ishin të gjatë “sa për të mbuluar të pasmet, jo më tepër” është shprehur bashkëpunëtori i drejtësisë.
Avokatët e Diddy-t kanë theksuar se ai mohon kategorikisht të gjitha akuzat dhe shpreson që të shpallë pafajësinë në gjykatë, duke pohuar se e vërteta do të dalë në dritë.
