Ariana Grande ka qenë e sinqertë për shëndetin e saj mendor. Ajo ka folur për betejat e saj me ankthin, duke thënë: “Pothuajse ndihem fajtore që kam [ankth] sepse është vetëm në kokën tënde dhe është çmenduri sa e fuqishme është”.
“Me sinqeritet terapia më ka shpëtuar jetën kaq shumë herë”, është shprehur Ariana.
Megjithatë fansat kanë shprehur disa herë shqetësimin për peshën e Ariana Grandes. Sidomos së fundmi pas paraqitjes së saj në turneun e “Wicked”. Shumë komentues në rrjete sociale shkruajnë se ajo ka humbur shumë peshë dhe si rezultat nuk duket mirë. Disa komentues madje spekuluan se Ariana ka çrregullim të të ngrënit ose ndonjë sëmundje tjetër.
Vlen të përmendet se Grande tashmë adresoi shqetësimin për peshën e saj në një TikTok të prillit 2023, duke arsyetuar: “Ka shumë mënyra të ndryshme për t’u dukur i shëndetshëm dhe i bukur”. Këngëtarja sqaroi më tej se pesha me të cilën fansat e perceptonin atë si më të shëndetshmen ishte, në fakt, “versioni më i pashëndetshëm i trupit tim”.
Grande zbuloi: “Unë isha duke marrë shumë ilaçe kundër depresionit dhe duke ngrënë keq, isha në momentin më të ulët të jetës sime, kur dukesha ashtu siç ju e konsideroni të shëndoshë”. Ajo gjithashtu u bëri thirrje fansave të saj që të mos nxjerrin përfundime për njerëzit bazuar vetëm në pamjen e tyre, sepse ata me gjasë po kalonin më shumë sesa duket.
