Aktorja dhe deputetja kosovare, Adriana Matoshi, ka folur hapur për lidhjen e saj me futbollistin afrikan, Keith Groeneveld, i cili është 19 vite më i ri se ajo. Gjatë podcastit “Flet” ajo tha se edhe pse romanca e tyre, që zgjati rreth 3 vite, ishte e mbushur me ndjenja të forta, Matoshi e kishte të qartë që nuk do të ishte e përjetshme.
“Zgjati 3 vite. Por asnjëherë nuk kam thënë që ka për të zgjatur tërë jetën. Nuk më ka zgjatur asnjëherë as lidhja ime me ish-bashkëshortin tim që kam 4 fëmijë,” tha ajo, duke shtuar se dashuritë e mëdha zakonisht kanë një fund.
Pavarësisht vështirësive dhe komenteve publike, aktorja shprehet e pa penduar për këtë eksperiencë. “Kam dashur të bashkoj botën, por s’më lanë,” tha ajo.
Adriana theksoi se forca e saj buron nga besimi tek Zoti, i cili e ka ndihmuar të përballet me çdo sfidë. “Kur e ke besimin e plotë tek Zoti, çdo gjë e merr më thjeshtë. Forca ime e vetme është Zoti, për asnjë moment nuk jam frikësuar dhe jam pajtuar me çdo gjë që ai ka shkruar për mua.”
