Dita e inaugurimit presidencial të Donald Trump u shoqërua me komente të shumta, prej tyre edhe ato që kishin në qendër stilin dhe modën. Më poshtë mund të gjeni personazhet që u cilësuan si të veshurit më mirë dhe ata më pak mirë gjatë kësaj dite të veçantë.
Melania Trump
Në Inaugurimin e dytë të burrit të saj, Melania Trump mahniti me një stil të rafinuar: një fustan nga dizajneri Adam Lippes dhe një kapelë nga Eric Javits. E shquar për preferencat e saj ekstravagante, kjo veshje reflektoi një përzierje mes elegancës amerikane dhe luksit ndërkombëtar.
Ivanka Trump
E bija e parë, Ivanka Trump, u paraqit me një kostum të gjelbër smeraldi dhe një kapelë të përputhur. Silueta e saj i dha jehonë stilit të Dior-it nga epoka pas Luftës së Dytë Botërore, duke sinjalizuar një imazh mbretëror në një demokraci.
Jill Biden
Ish-Zonja e Parë Jill Biden qëndroi besnike ndaj ngjyrave të saj të preferuara, duke zgjedhur përsëri një kostum në blu të purpurt, të punuar nga Ralph Lauren, simbol i ëndrrës amerikane dhe elegancës klasike.
Usha Vance
Gruaja e Zëvendës Presidentit të ri, Usha Vance, tregoi një stil të freskët dhe optimist me një pallto nga Oscar de la Renta dhe një shall rozë të ndezur. Ekspertët e modës e cilësuan si një figurë për t’u ndjekur me vëmendje.
Veshjet më pak të suksesshme
Kamala Harris
Zëvendës Presidentja Kamala Harris u paraqit me një pallto të zezë të thjeshtë dhe pantallona të zeza, të kombinuara me një palë vathë të zinj perlash dhe manikyr rozë të zbehtë. Pavarësisht thjeshtësisë, zgjedhja e saj u duk e mërzitshme për një ditë kaq të rëndësishme.
Lauren Sánchez
Lauren Sánchez, e fejuara e Jeff Bezos, pati një incident mode teksa veshi një xhaketë të bardhë të ngushtë, që zbulonte sytjenat e saj prej dantelle. Xhaketa dhe pantallonat e bardha ishin një ripërsëritje nga një paraqitje në Samitin Forbes në vitin 2024, duke e bërë këtë zgjedhje më pak të veçantë për një ceremoni inaugurimi.
Priscilla Chan
Priscilla Chan, bashkëshortja e Mark Zuckerberg, zgjodhi një kostum dy pjesësh ngjyrë blu të zbehtë, të punuar nga material leshi, me një kardigan të gjerë e kopsa të mëdha të arta. Ky kombinim u kritikua për prerjen e papërshtatshme dhe mungesën e detajeve elegante.
Conor McGregor
Kampioni i boksit Conor McGregor veshi një kostum ngjyrë gështenjë me tre pjesë dhe kravatë të kombinuar me vija blu dhe gështenjë. Megjithatë, pantallonat e ngushta të tij u kritikuan nga përdoruesit online, me disa që i cilësuan si një “gabim i madh mode që asnjë burrë nuk duhet ta bëjë”.
