Mëngjesin e ditës së sotme, një tjetër zhvillim i papritur ka ndodhur në shtëpinë e “Big Brother VIP”. Ish-konkurrentja, Livia, është futur sërish në lojë dhe ka shkaktuar menjëherë reagime të forta. Ajo ka zgjedhur që të shkojë në dhomën e gjumit, ku ka filluar të ngacmojë banorët Gjestin, Laertin dhe Rozanën.
Rozana ka qenë ajo që ka reaguar më ndjeshëm. E prekur nga kjo situatë, ajo nuk ka mundur të mbajë lotët dhe është përlotur.
Ky moment ka sjellë një rikthim të kujtimeve të lidhjes së ngushtë që Rozana dhe Livia kishin pasur më parë, edhe pse marrëdhënia e tyre ka kaluar në një fazë të tensionuar kohët e fundit.
Ndërkohë, Livia i ka marrë dhe unazën që i kishte dhuruar Gjestit ndërkohë që ai flinte dhe ka shkëmbyer batuta me Olën duke e pyetur se pse i kishte zënë krevatin.
