Sean “Diddy” Combs përjetoi një moment të fortë emocional gjatë seancës së fundit gjyqësore, ku nuk i fshehu lotët përpara mediave dhe të pranishmëve. “Ju dua të gjithëve,” deklaroi ai në fund të seancës, duke shtuar më qetë: “Po… dashuri.” Para se të largohej nga salla, ai iu drejtua një gruaje në galeri me fjalët: “Të lutem, thuaji Justin se po mendoj për të” – një mesazh i qartë për djalin e tij, Justin Combs. Në dalje, vendosi dorën mbi zemër.
Në këtë seancë dëshmoi Gerard Gannon, agjent special i Sigurisë Kombëtare, duke dhënë detaje rreth bastisjes së 25 marsit 2024 në shtëpinë e Diddy-t në Miami.
Gannon shpjegoi se kontrolli ishte pjesë e një hetimi për trafikim njerëzor dhe për shkak të përmasave të mëdha të pronës – rreth 20 mijë metra katrorë, përfshirë dhe një rezidencë për miq – u angazhuan rreth 80 deri në 90 agjentë federalë.
Sipas dëshmisë së tij, në dhomën e gjumit u gjetën objekte që përfshinin këpucë me taka të larta, lodra seksuale, lubrifikantë, të brendshme femrash, si dhe pjesë armësh zjarri. Midis tyre ishin komponentë të tipit AR-15, përfshirë pjesët e sipërme dhe të poshtme të armës, disa prej të cilave me numra serialë të gërryer.
Hetimet ndaj Diddy-t janë në zhvillim, ndërsa momentet emocionale të tij në gjyq tregojnë se përveç akuzave, situata ka prekur edhe jetën e tij personale dhe familjare.
