Kushdo që ka parë fotot e fundit të Lindsay Lohan mund të kuptojë se ajo ka provuar diçka të re kohët e fundit me kujdesin për fytyrën dhe lëkurën e saj. Pas muajsh spekulimesh nga fansat për fotot para dhe pas, aktorja më në fund po zbulon të gjitha sekretet rreth rutinës së saj “shumë specifike”, siç e përshkroi ajo.
Lohan, 38 vjeç, zbuloi për revistën Elle gjithçka që ka bërë për t’u kujdesur për lëkurën e saj dhe tha se është “e çmendur pas lëkurës dhe shëndetit të saj”.
E pyetur pse lëkura e saj duket kaq e mrekullueshme, Lohan tha: “Pi një lëng çdo mëngjes. Është me karrota, xhenxhefil, limon, vaj ulliri, mollë. Gjithashtu pi shumë çaj jeshil, shumë ujë. Jam një person që i pëlqen shumë panxhari turshi, kështu që i shtoj pothuajse në çdo gjë.”
“Pi shumë lëng limoni; gjithashtu shtoj shumë fara chia në ujin tim,” shtoi ajo.
