Justin Bieber ka rikthyer vëmendjen në rrjetet sociale, këtë herë jo për muzikë apo ndonjë projekt të ri, por për disa postime që kanë lënë shumë ndjekës në mendime. Gjatë fundjavës, këngëtari ndau disa selfie në Instagram, ku dukej i përhumbur dhe i vetmuar, të shoqëruara me mbishkrime që nxisin reflektim.
Në njërën prej tyre, ai shkruan:
“Po pranoj që Zoti më fal këtë mëngjes. Prandaj mund të fal veten dhe të tjerët sot.”
Postimi ndezi diskutime të shumta online, ndërsa ndjekësit nisën të spekulojnë për gjendjen emocionale të artistit. Disa shprehën shqetësim duke komentuar: “Ai nuk është mirë,” ndërsa të tjerë e interpretuan si një hap drejt rritjes personale dhe vetëdijes.
Në një tjetër story, Bieber ndau një screenshot nga një thirrje FaceTime me Hailey-n, duke lënë të nënkuptohet se marrëdhënia e tyre është ende e fortë mes zërave për tensione.
Por nuk mbaron me kaq. Në një tjetër postim me tone më të ashpra, ai kritikoi publikisht gjykimin ndaj të tjerëve:
“Zoti vendos. Jo ju.”
Këto shprehje janë lexuar nga shumë fansa si shenja të një periudhe të brishtë emocionale që mund të jetë duke kaluar këngëtari. Mes mesazheve enigmatike dhe reagimeve të ndjekësve, një pyetje ngrihet gjithnjë e më shpesh: “Çfarë po ndodh me Justin Bieber?
