Në një intervistë të sinqertë dhe plot emocione për emisionin “Goca & Gra”, Besa Kokëdhima ka ndarë për herë të parë detaje nga jeta e saj personale. Artistja tregoi se aktualisht po kalon një nga periudhat më të bukura të jetës, falë dashurisë që e rrethon çdo ditë.
“Kur jam e stresuar, ai është i vetmi që më qetëson. Kuptimi i jetës për mua është dashuria,” u shpreh Besa, duke vënë në pah rolin e rëndësishëm të partnerit të saj në përditshmëri.
E qeshur dhe e dashuruar, këngëtarja la të kuptohet se një hap i madh në jetën e saj është shumë pranë: martesa.
“Po, themi që së shpejti do të kemi dasmë,” tha ajo me entuziazëm, duke zbuluar edhe një detaj interesant për ditën e madhe: “Do të ketë më shumë se një fustan.”
Për Besën, ky moment është unik dhe i padiskutueshëm: “Jam gocë serioze, një herë në jetë dua të martohem. Nuk dua të më mbetet gjë peng,” përfundoi ajo.
