Reperi i njohur Buta duket se po përjeton një periudhë të re në jetën e tij personale, pas ndarjes nga partnerja e tij prej vitesh, Fjolla, me të cilën ndan edhe një vajzë të vogël, Irinën. Thashethemet për fundin e lidhjes së tyre nisën muaj më parë, kur burime pranë çiftit konfirmuan për “Prive” se marrëdhënia e tyre kishte hyrë në një krizë të thellë. Shenjat ishin të dukshme: mungesa e postimeve të përbashkëta, ndjekja e ndalur në rrjete sociale dhe distanca emocionale që u bë e qartë për ndjekësit.
Së fundmi, Buta është parë në shoqërinë e një vajze misterioze që, sipas burimeve të ndryshme, quhet Dea. Çifti i ri është fotografuar dhe parë shpesh në ambiente nate në Prishtinë dhe Tiranë, ku kanë tërhequr vëmendjen me afërsinë dhe qëndrimin e tyre të përzemërt.
Ndonëse asnjëri nuk ka dalë publikisht për të konfirmuar ose mohuar lidhjen, pamjet dhe sjellja e tyre kanë shtuar aludimet se Buta dhe Dea janë më shumë se miq. Për momentin, fansat po ndjekin me kureshtje çdo zhvillim, në pritje të një deklarate zyrtare nga reperi ose ndonjë postim në rrjete sociale që mund të konfirmojë lidhjen.
Një kapitull i ri duket se ka nisur për Butën – dhe kësaj here, nuk është fjala për një këngë.
