Ish-banorja e “Big Brother VIP Kosova”, Vivien Thano, ka folur hapur në “Top Albania Radio” për marrëdhënien e saj me reperin Getinjo, lidhjen që nisi brenda shtëpisë së njohur të BBV.
Kur u pyet për arsyet e ndarjes, Vivien riktheu vëmendjen te një deklaratë e mëparshme, ku kishte shpjeguar se varësia e Getinjos ndaj lojërave të fatit ndikoi fort në marrëdhënien e tyre. Ajo theksoi gjithashtu se gjithmonë ka preferuar të jetë e sinqertë, edhe kur kjo i ka kushtuar në raport me të tjerët.
“Herën e fundit që jemi takuar, që bëmë atë intervistën e famshme që plasi bomba gjithandej, edhe unë kam qenë në një gjendje emocionale shumë të rënduar. Kam qenë në periudhë shumë të errët, kisha rënë tek një gropë, që do bëj gjithçka në jetën time vetëm që të mos ta shikoj më veten ashtu”, tha ajo.
Vivien shtoi:
“Unë jam gjithmonë ‘drejt e drejtë’, ndoshta edhe se jam këtu ku jam, si për mirë e si për keq, kam humbur por dhe kam fituar shumë njerëz e shumë gjëra, vetëm prej faktit që unë jam kështu. Nuk më pëlqen që t’i bëj bishta gjërave. Ai muhabet, ishte një fakt që nuk është se e thashë unë, se edhe ai vetë e kishte shprehur në këngë e vende të tjera”.
Sa i përket pyetjes nëse Getinjo vazhdon të jetë i varur nga lojërat e fatit, Thano u tregua e kujdesshme:
“Nuk e di, nuk e kam idenë. Kam folur me disa shokë të tij që më kanë shkruar, edhe ata duken si dyshues. Por mua nuk më intereson më. I uroj vetëm më të mirat, sepse ka qenë një person i rëndësishëm për mua. Por kaq është. Jeta është njëkohësisht e bukur dhe e frikshme.”
