Xhensila e BB: Ju tregoj të vërtetën e takimeve me Fatjonin

Ish-finalistja e Big Brother Xhensila Pere, u ka dhënë fund thashethemeve lidhur me takimet me Fatjonin. Ish-çifti që janë deklaruar prej kohësh të ndarë, vazhdojnë të shihen shpesh me njëri-tjetrin duke i dhënë mundësinë kuriozëve t’i fotografojnë, për t’u kthyer shpejt në lajm të faqeve rozë. Teksa flitet për një dashuri të rikthyer fuqishëm midis të dyve, bukuroshja nga Pogradeci mohon gjithçka. “E vërteta është që ishim në kinema për të parë një film bashkë. Dikush na kishte fotografuar dhe në portale u fol për një rikthim, por s’është fare e vërtetë. Mund të them se shkuam në kinema pasi kishim një të dielë bosh, e si dy miq pa armiqësi shkuam në kinema. S’kemi arsye për të mos qenë miq”, ka thënë ajo për “Panorama”.