Ne të gjithë i adhurojmë kafshët tona shtëpiake, në jetën e përditshme, në kohën e lirë e madje edhe në jetën profesionale. Ndaj vendosëm kështu që të krijojmë një hapësirë-kult, kushtuar miqve tanë me putra, në evenimentin e datave 8-10 Qershor tek Pallati i Kongreseve të organizuar nga “Klik Ekspo Group”.
Evenimenti vjen i diktuar nga kërkesat në rritje për mbrojtjen, edukimin dhe mirëmbajtjen e kafshëve të buta e shtëpiake, diversifikimin e ofertave në treg, nismat në mbrojtje të tyre, kryesisht nga grupe të organizuara, e më rrallë nga autoritetet shtetërore.
Por sa mund të bëjmë për miqtë tanë më të mirë?
Konceptuar në dy nëndarje kryesore, “Pet Care Fair” do të funksionojë si në stendat e ekspozimit, ku vizitorët do të mund të gjejnë dhe blejnë produktet për mirëmbajtjen, aksesorë, kolibe me eco-friendly, mbajtëse fashion, do të marrin informacionin e duhur nga profesionistë mbi shëndetin dhe mirëmbajtjen, teksa në ambientet e jashtme ku miqtë do t’i rikthehen natyrës përmes evenimenteve:
- Dog’s Red Carpet: pasarelë dedikuar miqve katërputrakë;
- Dog’s Hair Day: me çudirat e parukiereve të pasionuara;
- Në shkollë: workshop se si të trajnojmë një shtëpiak të mirë;
- Adopto edhe ti: në orare të caktuara, vizitorët do të mund të udhëhiqen nga profesionistët për të adoptuar një kafshëz të ekspozuar (në kafazët e blerta);
Merr jetë kështu një eventiment, i cili vë përballë profesionistët përballë dashamirësve, përgjegjësit përballë vullnetarëve, në një përpjekje civile për argëtim, por që sjell të mira dhe benefite për mbarë shoqërinë.
