Këngëtarja e famshme Ciara beson se sjellja e fundit e ish të dashurit të saj, reperit Future në rrjetet sociale, forcon edhe më shumë kërcënimet e tij se do të vrasë të fejuarin e tanishëm, Russell Wilson. Ciara ka dorëzuar edhe më shumë dokumente në gjykatë në padinë e ngritur kundër babait të fëmijës së saj, duke theksuar se ka frikë se reperi do t’ia vrasë të fejuarin. Këngëtarja 30-vjeçare e ka cilësuar sjelljen e fundit të reperit si të frikshme dhe të papërgjegjshme, çka e ka shtyrë të ketë frikë për ragbistin e famshëm. Dëshmia e saj e parë lidhet me një postim në “Twitter” të cilin reperi e kishte bërë vitin e kaluar, ku shihen dy ‘emoji’ të ragbit të pasuar me tri ‘emoji’ me armë, shkruan “Express”. Ajo gjithashtu ka tërhequr vëmendjen edhe në vargjet e këngës së fundit të reperit “Juice”, ku ai kërcënon me vrasje personin që bën seks me nënën e fëmijës së tij.Future, me të cilin Ciara ka qenë e fejuar mes vitit 2013 dhe 2014, ka mohuar se i ka postuar ‘emojit’ në fjalë, duke thënë se ato janë nga një llogari e rreme në emër të tij. “Do të doja që të gjithë të shohin përpara pas ndarjes siç e kam bërë unë. Kjo është dëshira ime”, ka shkruar ai në “Tëitter” pas akuzave të fundit. Në shkurt të këtij viti, Ciara ka ngritur padi 15 milionë dollarë kundër tij.
