Sa herë ju ka ndodhur ta shihni kështu deputetin Gerti Bogdani? Me siguri jo shumë, ndoshta fare. Por ja që “Who” ka zbuluar se, me gjithë angazhimet e tij serioze në politikë, kreu i të rinjve demokratë nuk ka hequr dorë nga pasioni i tij i hershëm, basketbolli. Fotot që sjellim sot janë shkrepur gjatë një prej ndeshjeve që Gerti luan çdo javë me miqtë e tij, brenda dhe jashtë politikës. Ndërsa shpesh ngremë pikëpyetje mbi politikanët që janë në formë të mirë fizike, për Gertin e kemi përgjigjen: Basketbolli është sekreti i tij. Ai e ushtron këtë sport prej vitesh dhe gjithmonë nëpër intervista ka deklaruar që, një ndër pasionet e tij më të mëdha është pikërisht basketbolli.
