Ditët e fundit të mbretit të muzikës pop Michael Jackson, do të përjetësohen në një serial televiziv që do të realizohet nga kompania Warner Bros.
Në këtë serial do të zbulohet se si Michael Jackson i kaloi ditët e fundit, në skenarin e bazuar nga dy librat e shkruar nga Tevis Smiley.
Libri “Before You Judge Me: The Triumph and Tragedy of Michael Jackson” do të publikohet në qershor të vitit 2016 dhe në të përfshihen sukseset dhe dështimet e pop yllit, lufta e tij për jetën private, e cila ishte pothuajse e pamundur, ndonëse ai dëshironte një jetë normale.
Libri tjetër është i bazuar në 16 javët para vdekjes së Jackson, periudhë kjo që ai kishte planifikuar turneun, koncertet dhe performancat.
Jackson ndërroi jetë dhjetë ditë para koncertit, si pjesë e turneut të rikthimit të tij në O2 Arena të Londrës, kurse biletat për të gjithë 50 koncertet u shitën të gjitha.
Syri.Net
