Sa vjeç është Beyonce?! Kjo është pyetja e çuditshme që ka nisur të qarkullojë së fundmi. Nëse do të kërkonit në wikipedia, mbretëresha e muzikës pop do t’ju rezultonte 34 vjeç, por për rreth një dekadë, disa teori konspirative kanë lindur rreth moshës së vërtetë të këngëtares.
Një pjesë e konsiderueshme e njerëve besojnë se ylli i “Drunk in Love” është disa vite më e madhe. Pak kohë më parë u publikua një lajm që thoshte se data e lindjes së saj është 1974, gjë që do ta bënte artisten 41 vjeç.
Sidoqoftë ishte babai i Beyonce, Mathew Knowles, ai që ‘vuri pikat mbi i’ në një intervistë në radio për “The Breakfast Club”. Ai e konsideroi vajzën e tij moshatare me Pink dhe Usher që janë 2-3 vjet më të mëdhenj se ylli i pop-it. Megjithëse një diferencë e tillë është shumë e vogël, babai i këngëtares mund ta ketë bërë një lëvizje të tillë për të larguar vëmendjen nga e vërteta.
Matthew ka qenë menaxher i ish-anëtares së Destiny’s Child, dhe që kur kjo e fundit e pushoi nga puna, marrëdhëniet mes tyre janë ftohur. Teoritë konspirative lidhur me moshën e Beyonce kanë shkuar aq larg sa disa zëra thonë se Solange, që të gjithë e njohim se motra e saj, është në fakt…vajza e saj!
Sipas atyre që e mbështesin këtë teori, Beyonce ka gënjyer për moshën e saj, me qëllim fshehjen e faktit që ka ngelur shtatzënë në moshën 14-vjeçare. Sidoqoftë, mosha është thjesht një numër. Një mbretëreshë mbetet një mbretëreshë në çdo moshë!
Shqiptarja.com
