Një mësuese 23-vjeçare e cila u rrëzua aksidentalisht nga një shkëmb në Tajlandë, u sulmua në mënyrë të pabesë nga shoqëruesi i saj vendas. Hannah Gavios deklaroi pranë autoriteteve se pasi ajo u rrëzua, humbi ndjeshmerinë e këmbëve. Por sikur të mos mjaftonte e gjitha kjo, ajo pati fatin e keq të përdhunohej dhjetra herë brenda 24 orësh nga një djalë 28 vjeç që supozohej se do ta shoqëronte.
Mësuesja nga New York mori ndihmën e parë vetëm 24 orë pas rrëzimit të saj. Autoritetet tajlandeze e dënuan djalin fillimisht me 10 vjet burg por pasi ai e pranoi fajin, dënimi iu ul me 5 vjet. Prindërit e vajzës amerikane u shprehën të habitur se si mund të dënohej vetëm me 5 vjet një përdhunues vetëm sepse kishte pranuar fajin.
Por ndërkohë familja e mësueses ka edhe një problem tjetër, vajzës do ti duhen rreth 200,000 dollarë shpenzime mjekësore që të ecë sërish.
