Gazetarja e moderatorja Sonila Meço, që prej mbylljes së televizionit “Agon” është shkëputur nga media. Por siç kuptohet nga fjalët e saj, në një status të gjatë që ka publikuar së fundmi, largimi nuk është përfundimtar. Sonila shkruan se kjo është thjesht një periudhë pauze, të cilën e ajo po e shfrytëzon për të reflektuar lidhur me median dhe raportin e tyre me artin e artistët. Madje drejtuesja e programit “Kontrata”, shënon se e ka gjetur të ftuarën e parë për të rifilluar, dhe ajo është aktorja e dashur Anissa Markarian. Meço nuk thotë detaje nëse ka biseduar për të bërë “Kontratën” në ndonjë ekran, apo se këto janë planet me shpresën se Agon” do të rihapet përsëri.
STATUSI I PLOTE
Kur ben televizion nuk ke gjume te qete… Ne ate hapesire lene njeriut per te ndenjur me njeriun brenda vetes, eshte ky i fundit qe merr revanshin per te gjykuar, analizuar e torturuar ne dhjetra dilema etike e morale profesionistin qe do t’ja kepuse gjumit ne nivel tjeter te ndergjegjes. Por edhe kur e le televizionin per pak, si per te perftuar permasen e shendetshme te raportit me profesionin, po i njejti trazim i njeriut mban zgjuar profesionistin, tashme per cfare duhet te korrigjoje ne raportin me ndergjegjen kur te rinise. Kontrata psh, programi im me i fundit, me ka lene me shume pengje, si cdo shans qe te vjen nje here ne dore e ti nuk je dot absolutisht e mencur dhe e perqendruar per te perftuar maksimalisht nga rasti. Kuptova vone se me politikane nuk mund te shperdorohej me formati, se artistet ishin lende e persosur per ta endur nder ore transmetimi. Por tani qe Kontrata eshte ne pauze dhe me vemendje ndjek cfare raporti ka krijuar sot media me artistin, krijuesin, mjeshtrin e fjales, ndjej pengun te me bezdise fort per cfare s’munda te realizoj. Por ngasja e rinisjes eshte edhe me trazuese, sepse duhet me cdo kusht te ndertojme raport njerezor para se profesional me artistin. Do kisha bere nje liste te gjate me ata qe mbushin komunikimin me art e qe do t’i ulja perballe ne studion gjigande te Kontrates per t’i shfletuar e kerkuar deri ne cepat e erret te makthit krijues. Dhe nje nder to eshte Anissa Markarian, gruaja qe me mungoi ne panelin dyvjecar te Kontrates dhe me te cilen dua ta rinis. Cfare po i bejme medias me menyren e shpejte, te vrazhde, te ashper dhe pergjuese ne raport me jeten e njerezve qe nuk meritojne vemendje dhe shperdorimin e ndergjegjshem te atyre qe na pasurojne shpirtin?! Pengu im i madh eshte nje mendje e bukur si Anisa, si Anisat qe i trajtojme aq siperfaqesisht, lehtesisht, djallezisht per nje cast, kur aftesia e tyre eshte te te dhurojne perjetesisht nga arti qe u rrjedh ne deje. Ja pse si te besh e mos besh televizion sot nuk ke gjume te qete…
