Noizy flet për kontratën me “UMG”, për Encën dhe substancat narkotike

Mbrëmjen e sotme në “Xing me Ermalin” ka qënë i ftuar një nga reperët më të suksesshëm, Noizy. 30-vjeçari foli për kontratën me “Universal Music Group”, për Encën dhe nëse i konsumon substancat narkotike. I pyetur nga Ermali se çfarë do të ndodhë tani që ai ka firmosur kontratën me “UMG”, Noizy u përgjigj se kjo kontratë do bëjë që muzika e tij të transmetohet në të gjitha radiot e botës. Ermali nuk harroi ta ngacmonte pak edhe për Encën duke e pyetur nëse ata janë më shumë se shokë. Por Noizy mohoi të gjitha thashethemet që kanë qarkulluar duke thënë se me të s’ka pasur kurrë marrëdhënie më shumë se shoqërore. Ndërsa për substancat narkotike Noizy u shpreh se më parë ka përdorur ato “të butat” ndërsa tani i ka thënë “Stop”.