Adrola Dushi ka treguar sot në “Pushime on Top”, se Troit ia ka shpjeguar divorcin në një mënyrë të thjeshtë. Modelja rrëfeu se Troi e ka kuptuar që mami dhe babi i kanë ndarë rrugët me mirëkuptim dhe e kanë marrë këtë vendim së bashku prandaj është i lumtur.
“Unë e kam marrë atë vendim ti ke qenë shumë i vogël. Vendimi nuk është marrë pa u menduar mirë. Tani jemi të dyja palët shumë të lumtur me jetët tona”, i ka thënë Adrola të birit. “Edhe Troi është shumë i lumtur. Ai e ka kuptuar këtë gjë”-tha modelja.
E pyetur nëse është e vështirë të jesh nënë e vetme, Adrola u përgjigj: “Patjetër që po, në çdo aspekt. E para të mungon te fëmija jot figura mashkullore, që është shumë e rëndësishme. Absolutisht që Troi e kërkon, sepse me kë të rrijë ai? Rri me mua, me kushërirat e veta., me shoqet e mia. Fëmija e do praninë mashkullore në jetën e vet”.
