Kënga më e fundit nga ylli i muzikës ndërkombëtare, Selena Gomez me titull ‘Lose you to love me’, i befasoi të gjithë. Kënga pati një sukses të menjëhershëm në kanalin e ‘Youtube’ dhe vetëm brenda 24 orëve numëron 25 milionë klikime. Të shumtë ishin dhe fansat e 27-vjeçares që komentuan menjëherë në rrjetet sociale këtë projekt të Selenës dhe faktin se teksti i dedikoj ish-të dashurit të saj, Justin Bieber.
Pas këtij momenti sipas mediave rozë nuk mungoi as reagimi i Hailey Baldwin, bashkëshortes së Bieber, e cila ndau në ‘Instastory’ një foto ku tregonte se po dëgjonte këngën me titull ‘I will kill you’, e cila u konsiderua si një përgjigje nga kjo e fundit.
Megjithatë burime për ‘Hollywoodlife’ kanë zbuluar se Hailey është shprehur se njerëzit duhet të stopojnë me këto spekulime sepse postimi i saj më i fundit nuk ka asnjë lidhje me këngën që Gomez publikoi për të gjithë fansat e saj.
Nga ana tjetër ndjekësit janë edhe më tepër kuriozë se çfarë mendon Justin për këtë projekt. Kujtojmë se Selena dhe Bieber i dhanë fund lidhjes së tyre në muajin mars të vitit 2018, ndërsa në muajin korrik të po atij viti ai u fejuar me modelen e njohur, Baldwin./revistawho.com
