Luana vazhdon të jetë aktive në muzikë, por këtë vit nuk po mban koncerte dhe paska një arsye të madhe. Teksa i përgjigjet fansave që i shkruajnë vazhdimisht, Luana tregon se po punon diçka të madhe që do vijë shumë shpejt prandaj është detyruar të pezullojë çdo koncert.
“Më mungoni shumë dhe do doja shumë t’ju shihja në çdo qytet, por i kam pezulluar të gjitha koncertet sepse po punoj mbi diçka të madhe që vjen me shpresë sa më shpejt!!!”, ka shkruar Luana në mesazhin dërguar fansave të saj.
Ende nuk dihet se për çfarë po punon Luana, por mendohet se ka të bëjë me sezonin e ri televiziv që nis shumë shpejt. A do të rikthehet me “Shiko kush luan” apo me ndonjë spektakël tjetër mbetet për t’u parë.
