Fansat dhe shumë të njohur të Britney Spears janë konfuzë vetëm nga një postim i saj. Këngëtarja mund të jetë shtatzënë, por lajmin e bukur ose dyshimet për të i ngriti në mënyrën më të çuditshme.
Britney ka postuar një foto me lule rozë në profilin e saj dhe ka shkruar gjatë për veten.
“Kam humbur kaq shumë peshë për të shkuar në udhëtimin tim në Maui, vetëm për ta rifituar atë në kthim. Mendova … çfarë ndodhi me stomakun tim?’ Burri im tha ‘Jo, je shtatzënë’. Kështu që bëra një test shtatzënie…dhe uh mirë…Unë do të kem një fëmijë…”, shkroi fillimisht Spears.
Britney, e cila është nënë edhe e djemve Sean Preston, 16 vjeç dhe Jayden James, 15 vjeç, vazhdoi më shkrimin e saj duke e bërë edhe më të çuditshme situatën.
“Nuk do të dalë edhe shumë jashtë. Është e vështirë sepse kur isha shtatzënë më parë kisha depresion perinatal… Më duhet të them se është e tmerrshme. Gratë nuk flisnin për të në atë kohë … disa njerëz e konsideronin të rrezikshme nëse një grua ankohej, por tani gratë flasin për të çdo ditë … faleminderit Jezus që nuk duhet ta mbajmë më sekret këtë dhimbje”, shkruan Britney ndër të tjera.
Ajo shtoi se tani ka në plan të bëjë joga çdo ditë dhe e mbylli statusin e saj me një shënim për fansat ku shkruhej: “Shumë gëzim dhe dashuri”./revistawho.com
https://www.instagram.com/p/CcONvpGOelB/?igshid=YmMyMTA2M2Y=
