Jakubi është kujdesur që gjithmonë ta surprizojë Afërditën me dhurata e buqeta me lule dhe këto surpriza janë bërë më të shpeshta tani që modelja është në pritje të ëmbël. Së fundmi Afërdita ka ndarë me fansat në rrjete sociale surprizën e fundit që i ka bërë bashkëshorti, i cili kujdeset në detaje për t’ja bërë ditën më të lumtur. Një arush, një buqetë me trëndafila, një panetone dhe çokollatë ishin surpriza e Jakubit për Afërditën, e cila e lumtur ia shprehu dashurinë publikisht. “I love you babe”-shkruan modelja krah fotos. Çifti janë në pritje të një djali dhe deri tani ende nuk kanë vendosur për emrin. Afërdita është shprehur se po e presin me padurim teksa nuk ka ngurruar të postojë edhe foto me barkun e fryrë në rrjete sociale.
