Agron Llakaj: Humori im, në opozitë me çdo pushtet

Drejtori i “Al Pazar”, aktori dhe moderatori Agron Llakaj, në një prononcim të dhënë sot për “Panorama” ka sqaruar edhe një herë aludimet e ngritura për një largim të tijin nga “Vizion Plus”. Llakaj ka thënë se gjithë çka për të ndarë me publikun ai e bën përmes dritares së tij në “Al Pazar”, ku ngre problemet me të cilat përballet çdo shqiptar. “Profesioni im është ky: kripë dhe piper, ose Hosten”, – është përgjigjur ai, duke iu referuar revistës së famshme në kohën e komunizmit me humor dhe satirë. Aktori i dashur i humorit ka thënë se do të bëjë gjithmonë opozitën, pavarësisht partisë që është në pushtet.