Producentja e njohur, Holta Dulaku ka hapur dyert e shtëpisë për December to remember, me Eraldo Rexhon dhe ne nuk kishim parë një shtëpi kaq festive sa kjo.
E dashuruar pas atmosferës festive, me shumë pasion për të vendosur zbukurime në çdo cep dhe e rehatuar në ngrohtësinë e folesë së saj, Holta tregoi se i shijon shumë festat e dhjetorit. “Fëmijët janë rritur, e tani i bëj zbukurimet më shumë për vete sesa për ta”, u shpreh ajo e qeshur, ndërsa tregon se shumë zbukurime në shtëpi i ka vendosur vet, e janë përgjithësisht sende festive të blera nga vende të ndryshme të botës e Shqipërisë.
Megjithëse nga disa (siç tregon Holta), gjithë zbukurimet që ajo ka vendosur shihen si të tepruara, për të nuk janë aspak të tilla.
Dulaku pranon se kjo periudhë e gëzon dhe e shijon shumë, madje organizon edhe festat e mbledhjet e punës brenda shtëpisë.
Po për rikthimin në punën për produksionet? Holta tregon se shumë shpejt do kthehet. “Projektet po bëhen gati. Fokus do jenë reality show dhe mund të jenë gati në pranverë-verën e 2020-ës”, u shpreh ajo.
Mes ngrohtësisë së festave dhe aosferës, Holta i uron të gjithë për një vit të ri me shëndet dhe shumë dashuri./revistawho.com
