Mëngjesin e sotëm, këngëtari i njohur turk Ibrahim Tatlises është aksidentuar në Bodrum. Ngjarja ka ndodhur teksa artisti ka qenë në makinë me tre persona të tjerë. Sipas raportimeve, aksidenti i këngëtarit ka ndodhur si pasojë e tokës së rrëshqitshme dhe motit të keq. Automjeti i tij ka dalë jashtë kontrollit dhe është përplasur me një kamion duke përfunduar mbi shkëmbinj.
Pas aksidentit makina është përfshirë nga flakët, por ndërhyrja e qytetarëve me ujë, ka bërë të mundur fikjen e tij duke i shpëtuar jetën artistit. Ai ka mbetur i bllokuar në mjet. Tatlises ka qenë i vetëdijshëm gjatë gjithë kohës, madje mësohet se ai i ka udhëzuar forcat e shpëtimit.
“Më nxirrni që këtu me vinç bashkë me makinën, dhe më pas më nxirrni mua nga makina”, u ka thënë ai.
Pas disa orësh përpjekje, Ibrahimi është nxjerrë nga mjeti dhe më pas është dërguar në mënyrë urgjente në spital ku ndodhet nën kujdesin e mjekëve.
