Aktori i famshëm komedian, Kevin Hart, ka zbuluar së fundmi se e ka kaluar koronavirusin që në fillim të pandemisë, atëherë kur u infektua edhe Tom Hanks me bashkëshorten e tij, Rita Wilson. Gjatë një seti komedie, Kevin ka treguar edhe arsyen pse nuk e zbuloi deri më tani këtë. “Problemi është se unë e pata virusin në të njëjtën kohë me Tom Hanks”, tha komediani 41-vjeçar.
“Dhe unë nuk mund të thoja asgjë sepse ai është më i famshëm se unë”, shtoi Kevin me nota humori.
Me sa duket, aktori e ka kaluar këtë sëmundje që pa filluar karantina në SHBA, por nuk ka preferuar ta tregojë hapur.
