Gabriel Macht ka bërë një kërkesë publike për t’u kërkuar falje disa prej fansave të tij, pas një deklarate që lidhet me ndikimin e serialit “Suits” në karrierën akademike të disa të rinjve.
Pas tetë vitesh roli si Harvey Spectre në serialin “Suits”, aktori ka zbuluar se shumë adhurues të tij janë regjistruar në shkolla juridike, duke u frymëzuar nga karakteri i tij dhe ngjarjet e shfaqjes. Sipas Macht, shumë të rinj kanë zgjedhur këtë fushë studimi duke besuar se “është e lezetshme, e shndritshme dhe plot dramë”.
“Ka kaq shumë të rinj që kanë shkuar në shkollën juridike për shkak të shfaqjes – sepse ata mendojnë se ka besnikëri në këtë fushë, është e lezetshme, është e shndritshme. Njerëzit në të janë të zgjuar. Ka shumë dramë dhe gjithë këto gjëra,” tha ai.
Macht nuk ngurron të kërkojë falje kur ndjen që ndihmoi në këtë drejtim:
“Kur njerëzit vijnë tek unë dhe më thonë: ‘Unë shkova në shkollën juridike për shkakun tënd’, unë gjithmonë kërkoj falje pa masë,” ka shtuar ai. “Më vjen keq,” thekson ai për ata që ndoqën këtë rrugë. “Nëse ju pëlqen të lexoni, kjo është e mrekullueshme sepse do të uleni me librat për orë të tëra për të ndjekur këtë shkollë.”
Aktori e sheh këtë pasion të fansave si një mundësi për t’u lidhur me ata dhe e sheh me emocion ndikimin që ka pasur seriali.
“Nuk e di nëse ishte Netflix-i, apo nëse ishte TikTok-u, apo nëse yjet u rreshtuan në një farë mënyre dhe seriali shpërtheu absolutisht,” ka thënë Macht, duke shtuar se ai është i emocionuar për rikthimin e serialit dhe për projektin e tij të ardhshëm, “Suits LA”, ku do të ripërsëritë rolin e tij të dashur.
