Drew Barrymore nuk u bën vajzave të saj dhurata për Krishtlindje. Aktorja ka dy vajza Olive, 10 dhe Frankie, 8 vjeç, nga lidhja e saj me ish-bashkëshortin Will Kopelman. Ajo shpjegoi se preferon t’i çojë fëmijët e saj në një udhëtim të paharrueshëm për sezonin festiv sesa t’i mbushë me dhurata.
Duke folur për ET Canada, Drew tha: “Unë gjithmonë i çoj ata në një udhëtim çdo Krishtlindje. Nuk u marr dhurata, por u them “se do t’i mbajmë mend vendin dhe fotot dhe eksperiencën dhe këtë dua t’ju jap.”
Drew vazhdoi: “Ata marrin shumë gjëra gjatë gjithë vitit, kështu që unë nuk jam një nënë e rreptë, e ftohtë që thotë: “Ti nuk merr dhurata!” Thjesht ndihem sikur një dhuratë më e mirë do të ishte një kujtim i jetës. Më mirë do të investoja në një kujtim sesa në një shtëpi kukullash apo diçka tjetër”.
