Emma Stone i ka surprizuar të gjithë me deklaratën e fundit në “The Tonight Show Starring Jimmy Fallon”. Gjatë bisedës me moderatorin më të suksesshëm amerikan, ajo shpjegoi se ka qenë e fiksuar që në fëmijëri me ‘Spice Girls’. Madje arsyeja pse e ka emrin Emma është sepse e ka ndërruar në klasën e dytë sipas të ashtuquajturës “Baby Spice”, njëra nga anëtaret e grupit të famshëm muzikor, emri i vërtetë i së cilës është Emma Bunton.
“U ngrita në mes të mësimit dhe i kërkova mësuese të më thërrasë Emma. Më pas e ndryshova prej vërteti emrin tim dhe sot të gjithë më njohin si Emma. Në të vërtetë emri im është Emily”,-ka shpjeguar ylli i ‘LaLa Land’. Aktorja gjithashtu thekson se do të jetë e pranishme në një nga koncertet e afërta të Spice Girls, të cilat shpallën rikthimin së fundmi./revistawho.com
