Aktorja e njohur Ashley Olsen është bërë nënë për herë të parë. Aktorja 37-vjeçare e ka mbajtur të fshehtë lajmin për disa muaj. Mediat e huaja raportojnë se Ashley e mirëpriti fëmijën e saj të parë me bashkëshortin Louis Eisner disa muaj më parë në Nju Jork. Page Six shkruan se aktorja e ka quajtur djalin Otto. Çifti është kujdesur për të mbajtur jetën e tyre larg syrit të publikut, pasi edhe martesën e organizuan në mënyrë private në dhjetor të vitit të kaluar.
