Aktorja turke Gokçe Bahadir është bërë tashmë shumë e famshmë në Shqipëri me rolin e Ojas në serialin më të ri në televizionin “Klan”. Në këtë serial aktorja luan rolin e një gruaje që kërkon të hakmerret ndaj mikeshave të saj të cilat i punuan një rreng në gjimnaz dhe i shkatërruan jetën. Përveçse profesionit si aktore, në jetën reale Gokçe Bahadir është edhe këngëtare. Ajo së fundmi publikoi një album këngësh dhe mbajti një koncert. Në një prononcim për gazetarët aktorja ka deklaruar se nuk këndon për para dhe të gjithë shumën e fituar e ka dhuruar për bamirësi. “Nuk kam për qëllim të bëj para nga biznesi i muzikës. Ka qenë ëndrra ime të këndoja. I kam dhuruar për bamirësi të gjitha paratë nga albumi”-është shprehur Gokçe Bahadir./revistawho.com
