Duartrokitje të forta për ish çupelinën e Twilight, Bella Swan. Në sallën Bunnuel të Festivalit të Kanës, Kristen Stewart me flokë të prerë shkurt, fustan të gjatë prej sirene konkurron si skenariste dhe regjizore. Ish aspirantja ‘vampire’ merr pjesë në këtë festival me filmin me metrazh të shkurtër “Come Swim”. E rritur tashmë profesionalisht jo vetëm si aktore, ajo mori një vlerësim maksimal edhe nga Woody Allen në filmin “Cafe’ Society”. Tashmë kanë kaluar plot 9 vite që nga debutimi i saj në Twilight. Ajo ka lindur në vitin 1990 në Los Angeles, ndaj edhe pse kaq e re në moshë ka arritur të ketë një popullaritet të madh veçanërisht për publikun e ri. Ne s’na mbetet gjë tjetër veçse t’i urojmë suksese.
